❯
❮
دۆخی سیاسی و ئایدیۆلۆژی
ئاکۆ شارۆشی: بۆ دەزگای وەشەن میدیا،،
ئیخوانی موسڵیمین ناوەڕۆکێکی نەتەوەپەرستانەی دژەکوردی هەیە
ئاکۆ شارۆشی، چالاکوان و نووسەری سیاسی، لە راگەیاندنێکدا ئاگاداری دا لەوەی بە گوتەی ئەو، نەتەوەپەرستی عەرەب، تورک و فارس، بە شێوەیەکی بەردەوام کاریگەریی دژەکوردی هەیە و لە چوار پارچەی کوردستاندا ئاگری قەڵاچۆکردنی کورد دەهێنرێت.
شارۆشی ئاماژەی بەوە کرد کە هەندێک لە ئەندامانی کوردزمانی ئیخوانی موسڵیمین پێویستە ئاگادار بن لەوەی ئەندامێتی لەم ڕێکخراوەدا، بە ناوی ئاینییەوە، بەڵام بە ناوەڕۆک نەتەوەپەرستییە و لە زۆربەی کاتدا دژە ماف و بوونی کوردانە.
بە گوتەی ئەو، ناوەڕۆکی ئیخوان لە بنچینەوە بۆ نەتەوەپەرستی دروست کراوە، نەک بۆ خواپەرستی، وەک ئامرازێک بۆ خەڵەتاندن و کەسبکردنی خزمەتکاری هەندێک کوردی خۆشباوەڕ کە بەرگی ئیسلامیان کردووە بە بەری ئیخواندا.
ئاکۆ شارۆشی هەروەها دەڵێت کە عەلمانیەت و هێزە ڕۆژئاواکان پاڵپشتی ئیخوان دەکەن، بۆ دروستکردنی ئاژاوە، نەتەوەپەرستی و فاشیزم، و هەروەها بۆ ناشیرینکردنی وێنەی ئیسلام و دروستکردنی بەهانە بۆ دەستێوەردانی سیاسی و ئاسایشی لە وڵاتانی ڕۆژهەڵاتی ناوەڕاست و وڵاتانی جیهانی سێیەم.
زیاتر ببینە...
2026-01-23 16:31:16
ID: 27
❯
❮
کچان و چیاکانی کوردستان
چیاکان و کچان: هێماکانی خۆڕاگریی گەلی کوردستان “
لە مێژووی ئێمەدا هەمیشە دەگوترا تەنها چیاکان دۆستی گەلی کورد بەڵام ئەمڕۆ مێژوویەکی نوێ دەنووسرێتەوە مێژوویەک کە تێیدا یەکڕیزیی گەلی کورد لە هەر چوار پارچەی کوردستان بووەتە بەرزترین چیا و قایمترین قەڵا بۆ پشتیوانی لە ڕۆژئاڤا
یەکڕیزی چەکی سەرکەوتنمانە
ئەمڕۆ سنوورە دەستکردەکان ناتوانن ڕێگری لە لێدانی دڵەکانمان بکەن کاتێک ڕۆژئاڤا ڕووبەڕووی تەوژمی نادادی دەبێتەوە دەنگی هاوخەباتی لە باکوور باشوور و ڕۆژهەڵاتەوە دەبێتە کانییەک و دەڕژێتە ناو یەک ڕووباری گەورە ئەم یەکگرتووییە سەلماندی کە گەلی کورد یەک جەستەیە و هەر ئازارێک لە پارچەیەکدا بێت هەموو نیشتمان پێوەی دەناڵێنێت
کەزێی کچانی کورد ئاڵای شکۆ
لە سەنگەرەکانی بەرخۆداندا کەزێی کچانی کورد تەنها جوانی نییە بەڵکو هێمایەکە بۆ ئازادی ئەو کچە شۆڕشگێڕانەی کە بە کەزێی ڕستراوەکانیانەوە مێژوویەکی پڕ لە سەروەرییان تۆمار کرد نیشانی جیهانیان دا کە جوانیی ڕاستەقینە لە ئازایەتی و پاراستنی خاکدایە کەزێی ئەوان وەک تیشکی خۆر تاریکیی تیرۆر و داگیرکاری دەڕەوێنێتەوە و دەبێتە مزگێنیبەخشی سەرکەوتن بژی بەرخوودانی خۆرئاوا ..
کارۆخ سەید ڕزگار
نووسەر
زیاتر ببینە...
2026-01-23 11:14:11
ID: 26
❯
❮
گرتوخانە
ناونیشانی ڕاپۆرت: بارزان فارس هه ولێر چاکسازیی گەورەی هەولێر؛ لەنێوان قەرەباڵغی و هەوڵەکان بۆ گۆڕینی ڕەفتاری سزادراوان.
لەکاتێکدا ناوەندەکانی چاکسازی وەک شوێنێک بۆ دووبارە ڕاهێنانەوەی سزادراوان تەماشا دەکرێن، بەڵام چاکسازیی گەورەی هەولێر لە ئێستادا لەژێر فشارێکی گەورەدایە. ئیحسان عەبدولڕەحمان، بەڕێوەبەری چاکسازیی هەرێم، لە لێدوانێکی تایبەتدا رایگە یاند ، پەردە لەسەر ڕاستییەکی تاڵ لادەبات؛ چاکسازییەکە کە توانای لەخۆگرتنی تەنها ٩٩٠ سزادراوی هەیە، لە ئێستادا زیاتر لە دوو هەزار و ٢٠٠ سزادراوی تێدا نیشتەجێیە، واتە دوو هێندە و نیوی توانای ڕاستەقینەی خۆی.
ئیحسان عەبدولڕەحمان – بەڕێوەبەری چاکسازیی هەرێم:
"بەهۆی ئەم قەرەباڵغییەوە، گرفتەکانمان لە ڕووی خزمەتگوزاری، دابینکردنی دەرمان و کەمیی توێژەرانی کۆمەڵایەتی و دەروونییەوە ڕوو لە زیادبوونە. تەنانەت بودجەی بەردەستیش بەشی پێداویستییە سەرەکییەکانی وەک جلوبەرگ و پێخەف ناکات."
بەرپرسانی چاکسازی بۆ چارەسەری ئەم دۆخە چەند پلانێکیان خستووەتە ڕوو؛ لەوانە دروستکردنی باڵەخانەی نوێ، نۆژەنکردنەوەی بینا کۆنەکان و کارکردن لەسەر پڕۆژەیاسای "سزای جێگرەوە" و "لێبوردنی گشتی" کە لە ساڵی ٢٠٢٣ـوە ڕەوانەی لایەنی پەیوەندیدار کراوە، بەڵام بەهۆی پەککەوتنی پەرلەمانەوە تا ئێستا بڕیاریان لێ نەدراوە.
لە ڕووی تەندروستی و بژێوییەوە، سەرەڕای کەمیی دەرمان، هەوڵ دراوە لە ڕێگەی ڕێکخراوەکان و خێرخوازانەوە پێداویستییە پزیشکییەکان دابین بکرێن. سیستەمی خۆراکیش لەژێر چاودێرییەکی وردی جۆری و تەندروستیدایە.
. لە ئێستادا ٦٨٨ سزادراو لەناو وەرشەکانی (دارتاشی، بەرگدروونی، کۆمپیوتەر و ئاسنگەری) کار دەکەن و لە بەرامبەردا مووچە وەردەگرن. ئامانج لێرەدا تەنها سزادان نییە، بەڵکو پێگەیاندنی تاکێکی سوودبەخشە بۆ ناو کۆمەڵگە.
پەیوەندی لەگەڵ دەرەوە:
سەبارەت بە پەیوەندییەکانیش، سزادراوان دەتوانن بە نیوەی نرخی ئاسایی پەیوەندیی تەلەفۆنی بکەن و بۆ سزادراوە بیانییەکانیش پەیوەندیی ئۆنلاین (ڤایبەر و واتسئاپ) دابین کراوە. پرۆسەی سەردانیکردنی کەسوکاریش بە هەفتانە و بە جیاکردنەوەی ڕەگەزی نێر و مێ بەردەوامە.
هەرچەندە گلەیی لە سستیی ڕێکارەکانی "ئازادکردنی مەرجدار" هەبوو، بەڵام بەڕێوەبەری چاکسازی جەخت دەکاتەوە کە ئەوان هیچ دواکەوتنێکیان نییە و کێشەکە لە ڕێکارە یاساییەکانی دادگادایە. لە کۆتاییشدا، چاودێرییەکی وردی ڕەفتاری پاسەوانان و کارمەندان دەکرێت تاوەکو هیچ پێشێلکارییەک بەرامبەر سزادراوان ئەنجام نەدرێت، بەو هیوایەی ئەم ناوەندانە ببنە وێستگەیەک بۆ گەڕانەوەی مرۆڤەکان بۆ ژیانێکی شایستە.
زیاتر ببینە...
2026-01-22 12:05:30
ID: 25
❯
❮
ڕۆڵی ئافرەت لە هەرێمی کوردستاندا
ڕۆڵی ئافرەتان لە نێو پێگە هەرێم کوردستان
مێژوویەکی زۆر دێرین و پڕ لە شانازی هەیە و وەک یەکێک لە کۆڵەکە سەرەکییەکانی ڕاگرتنی هاوسەنگی کۆمەڵایەتی و فەرهەنگی و سیاسی لەم شارەدا دەبینرێت چونکە ئافرەتی کورد لە هەموو قۆناغە جیاوازەکاندا نەک هەر تەنها پەروەردەکارێکی سەرکەوتووی نەوەکان بووە بەڵکو لە ڕیزەکانی پێشەوەی خەبات و تێکۆشاندا بۆ چەسپاندنی مافە نەتەوەیی و مرۆییەکان دەورێکی باڵای گێڕاوە لە ڕووی کۆمەڵایەتییەوە ئافرەت لە کوردستان بەوە ناسراوە کە پارێزەری ڕەسەنایەتی و کولتووری هەمەجۆری شارەکەنیان و توانیویەتی لەناو ئەو فرە نەتەوەیی و فرە ئایینییەدا ببێتە پردێکی پەیوەندی بۆ پێکەوەژیانی ئاشتییانە و بڵاوکردنەوەی گیانی لێبوردەیی لەناو خێزان و کۆمەڵگەدا هەروەها لە بواری زانست و مەعریفەدا ئافرەتانی ئەم شارە لە مێژە لە ناوەندەکانی خوێندن و فێرکردندا پێشەنگ بوون و ژمارەیەکی زۆر لە مامۆستا و پزیشک و ئەندازیار و نووسەری لێهاتوویان لێ هەڵکەوتووە کە جێپەنجەیان بەسەر گەشەسەندنی شارستانی هەرێمەکەما دیارە و لە ڕووی ئابوورییەوە بەشدارییەکی کارایان هەبووە چ لە ڕێگەی کارکردن لە فەرمانگە دەوڵەتییەکان یان لە ڕێگەی پەرەپێدانی کارە دەستییەکان و پیشە بچووکەکان کە یارمەتیدەرێکی گەورەی بژێوی خێزانەکانیان بوون لە کاتە سەختەکاندا جگە لەمانە لە بزووتنەوەی ڕزگاریخوازی گەلی کورد و خەباتی دژی ستەمکاری ئافرەتانی کورد قوربانی گەورەیان داوە و زۆرێکیان زیندانی سیاسی بوون یان لە پشتەوەی سەنگەرەکان پشتیوانی شۆڕشیان کردووە و دوای ساڵی دوو هەزار و سێش بەشێوەیەکی فراوانتر هاتنە ناو کایەی سیاسی و کارگێڕییەوە و ئێستا لە ئەنجومەنی پارێزگا و پەرلەمان و پلە باڵاکانی حکومەتدا بە وریاییەوە داکۆکی لە مافەکانی شارەکەیان دەکەن و هەوڵ بۆ باشترکردنی دۆخی ژیان و خزمەتگوزارییەکان دەدەن بە کورتی ئافرەت لە کوردستان سیمبولی خۆڕاگری و داهێنانە و بێ ئامادەیی ئەوان مەحاڵە باس لە مێژوو و ئێستا و داهاتووی ئەم شارە بکرێت چونکە ئەوان کەرەستەی سەرەکی گۆڕانکارییە ئەرێنییەکانن و بەردەوامن لە تێکۆشان بۆ بەدەستهێنانی یەکسانی و دادپەروەری زیاتر لە هەموو بوارەکاندا و ئەمڕۆش دەبینین ئافرەتانی کورد لە زانکۆی و ناوەندە ئەکادیمییەکاندا کچان و ئافرەتانی ئەم شارە لە بەدەستهێنانی پلە باڵاکانی زانستدا کێبڕکێی جیهانی دەکەن و لە ڕێکخراوەکانی کۆمەڵگەی مەدەنییشدا کار بۆ هۆشیارکردنەوەی نەوەی نوێ دەکەن دەربارەی مافە یاسایی و مرۆییەکان و پاراستنی ژینگە و پەرەپێدانی هونەرە جوانەکان کە ئەمەش نیشانەی ئەوەیە ئافرەتی کەرکووکی لە هەمان کاتدا هەم دایکی نیشتمانە و هەم بزوێنەری سەرەکی گەشەپێدانی مۆدێرنە و شارستانییەتە لە ناوچەکەدا.
زەنوێر جاف
زیاتر ببینە...
2026-01-17 12:37:17
ID: 24
❯
❮
ڕانیا
لەساڵی ٢٠٢٥دا لە ڕانیە ٥٢٠ کەس تەنی نامۆیان قوتداوە
سەید محەمەد بەرزنجی
بەڕێوەبەری بەشی فریاکەوتن لە رانیە رایدەگەیێنێت، لە ساڵی 2025ـدا 520 هاوڵاتی تەنی نامۆیان قووتداوە و نیوەیان باری دەروونییان جێگیر نەبوو.
هەژار عومەر، بەڕێوەبەری بەشی فریاکەوتن لە ڕانیە ڕایگەیاند، "تەنە نامۆکان بریتین لە تۆقە، زەنگیانە، دنکە گوڵەبەڕۆژە و کۆمەڵێک ماددەی تر بە وتەی هەژار عومەر، لە رانیە تەنیا دەتوانن فریاگوزاریی سەرەتایی بۆ ئەو نەخۆشانە بکەن و بۆ حاڵەتە ئاڵۆزەکان، نەخۆشەکان دەنێردرێنە شارەکانی دیکە.
بەڕێوەبەری بەشی فریاکەوتن لە ڕانیە داوا لە دایک و باوکان دەکات ئاگاداری منداڵەکانیان بن لەکاتی یاریکردندا بۆ ئەوەی تەنی نامۆ قووت نەدەن و دووپاتیشی کردەوە کە هیچ رووداوێکی گیانلەدەستدان بەهۆی قووتدانی تەنە نامۆکانەوە لە سنوورەکە تۆمار نەکراوە.
زیاتر ببینە...
2026-01-12 07:52:15
ID: 23
❯
❮
گیرفانەکان پڕدەبن لەپارە
گیرفانهكان پڕدهبن له پاره ،
بەڵام لە ناوخهوی شیریندا بهتاڵ دهبن .
مهسعود شێخ بزێنی ..
ئێمه لهسهردهمێك دهژین ڕۆشهنبیری كاركردنمان نیه ، بهڵكو ڕۆشهنبیری تاودانی بێ وشیاری ، بێ كۆتایی و پرسیاركردنمان ههیه .
پێش ئهوهی دڵمان له خهو بهئاگا بێتهوه له ماڵهكانمان دهچینه دهرهوه ، كاتێك دهگهرێینهوه ڕۆح خهوتووه ، دووجۆر و سێ جۆر كاركردن لهكاتێك ، دهرئهنجامهكهشی ژیان ههروهك خۆیهتی و هیچ گۆڕانكاری بهسهر نایهت ، بهپێچهوانهوهش ڕایته .
پاره خۆی دهخزێنێته نێو گیرفانهكان ، بهڵام لهشوێنێكی قوڵتردا دهردهچێت له قهفهزی سینگهوه ، له كاتی خهوتن ، وا دهزانرێت ژیان بێئارامی نیه و بهختهوهری خۆی ههیه .
ناخۆشیهكانی ژیان ، له نهخۆشخانهكان بهدی دهكرێت ، جهستهی مرۆڤهكان پێش كاتی خۆی بهساڵادهچێت ، دڵهكان ماندوون ، واز له شهكرهو فشاری خوێنیش بێنه ، گرێی گهده و بێ ئارامی ( قلق ) ئهوانه ههمووی و زیاتریش تاكو ئێستا دكتۆرهكانی نهگهیاندۆته ئهنجامێك بۆ چارهسهركردنیان ، چونكه نهخۆشی (عضوی .. جەستەیی ) نیین ، بهڵكو نهخۆشی شێوازی ژیانن . مرۆژ بههۆی لاوازی جهسته نهخۆش ناكهوێت ، بهڵكو لهبهر ئهوهی نهخۆش دهكهوێت وهك ئامێرێكی بهكاردههێنرێت ، نێوهندێكی نییه بۆڕاوهستان ، ڕێگای ماندووبونی لێ قهدهغهكراوه و مافی ئهوهشی نیه گللهییان بكات وهك بڵێیت ههسانهوه بوبێت بە عهیب و هێوربوونهوه سهرنهكهوتنێكی ئهخڵاقیه .
لهڕووی دهروونیهوه ، ئهم ڕاكه ڕاكهی ژیان كهسێكی بێ ئارام دههێنێته كایهوه ، لهگهڵ خێزانهكهی دادهنیشێت ، بهڵام غائبهو دیار نییه ، پێدهكهنێت مێشكی جهنجاله به كۆمهڵه شتێك هێشتا ئهنجامی نهداوه ، هێشتا نهخهوتووه بری له خهوههستان دهكاتهوه ، هاوپهیمانێتی زهمهن بۆته ڕاونان ، پهیوهندیهكان خوود دهخۆنهوه و دهنگی ناخ بهگوێیدا سرپه سرپ دهكات و دهڵێت ( هێشتا هیچ نهكراوه ) .
كاتێك لهڵایهنی كۆمهڵایهتیهوه سهیری ئهم دۆخه دهكهین باجی زیاتر دهدهین ، ماڵهكان بونهته وێستگهی پهڕینهوه و منداڵهكان خێرا گهورهدهبن و باوك بهڕۆح ئاماده نییه تهنیا به جهسته بوونی ههیه ، پهیوهندیهكان به مهنتقی ههستكردن بهڕێوه ناچێت ، چاوپێكهوتنهكان به پێوهری سۆز وڕهحمهت ناپێورێت بهڵكو به كات دهپێورێت ، كۆمهڵگا ههموو كاردهكات ، بهڵام كهمێك ههیه ههست بكات بهرههمهكهی دیار بێت و ههست به ئاسوودهیی دهروونی بكات ..
لهههموشیان ترسناكتر شانازی بهم دۆخه ئاڵۆزه دهكهین به دهستكهوتی دهزانیین ، بهرگهی بهرپرسیارێتیهكهی ههڵدهگرین . نازانیین پاره بهرامبهر كارهكانمان وهردهگرین لهسهر حیسابی ڕۆحمان ...
تیشك ..
چی دهبێت ئهگهر بیر بكهینهوه سهركهوتنی ڕاستهقینه ژیانه .. نهوهك خۆڕزگاركردن ؟ ..
زیاتر ببینە...
2026-01-04 15:10:47
ID: 22
