ئارام شێرکۆ-کەرکووک:
هیوا ئەحمد مستەفا ئەندامی مەکتەبی سیاسی پارتی دیموکراتی کوردستان بەرپرسی مەکتەبی ڕێکخستنی کەرکووک-گەرمیان لە لێدوانێکی تایبەتی گووت: "زۆر ئومێدی هەیە، کە بتوانن زۆرترین دەنگ بۆ پارتی بەدەست بهێنن، چونکە بەبڕوای ئەو سەرکەوتنی پارتی لەهەڵبژاردنی ئەنجومەنی نوێنەرانی عێراق زەمانەتی سەرکەوتنی گەلی کوردە لە عێراق.
دەست دەکرێت بە دابەشکردنی موچەی مامۆستایانی گرێبەست
وەزارەتی دارایی هەرێم لە راگەیەندراوێکدا ڕایگەیاند، مووچەی مانگی تەمووزی مامۆستایانی گرێبەستی وەزارەتی پەروەردەو خوێندنی باڵاو توێژینەوەی زانستی لە ڕۆژی دووشەممە ( ٦ ی تشرینی یەکەمی ٢٠٢٥ ) دابەش دەکرێت.
هاوکات مووچەی مانگی تەمووزو مووچەی مانگی کانونی دووەمی
ساڵی ( ٢٠٢٥ ) ی سەرجەم ئەو فەرمانبەرانە دابەش دەکرێت کەلەدوای
( ٢٠٢٤/٧/١ ) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت
ڕۆژی یەکشەممە نوێنەرانی ئەنجومەنی ڕاوێژکاری ئیسلامی ئێران دەنگیان لەسەر پرۆژە یاسایەک دا بۆ هەموارکردنی یاسای دراوی و بانکی وڵاتەکە و بڕیاردرا بە لابردنی چوار سفر لە دراوی نیشتمانی.
یاساکە داوا دەکات کە هەر 10 هەزار ڕیالی ئێرانی ئێستا بگۆڕدرێن بۆ یەک ڕیالی نوێ، لە هەمان کاتدا ناوی "ڕیال" وەک ناوی دراوی فەرمی ئەو وڵاتە بمێنێتەوە.
ئامانجی ئەم هەنگاوە ئاسانکردنی مامەڵە داراییەکان و کەمکردنەوەی کاریگەرییەکانی هەڵاوسانی سەختە کە ئێران چەندین ساڵە بەدەستیەوە دەناڵێنێت.
هەروەها یاساکە پێویستی بە ڕەزامەندی ئەنجومەنی چاودێری هەیە پێش ئەوەی بێتە بواری جێبەجێکردنەوە.
سەید مەحەمەد بەرزنجی
فشارەکانی ئەمەریکا و ئیسرائیل بۆ ئێران توندتر دەبن
(رۆژنامەنووس)
،،کاردۆست حوسێن مەحەمەدئەمین،،
شەپۆلێکی نوێی سزا نێودەوڵەتییەکان سیاسەتی ئێران دەهەژێنێت و ئابوورییەکەی لە ئێستاوە زیاتر دەکێشێتە خوارەوە، لەکاتێکدا ترس لەنێو هاوپەیمانەکانی ئەمریکا لە ناوچەکەدا زیاتر پەرەدەسەنن کە خولێکی دیکەی هێرشە ئاسمانییەکانی ئیسرائیل بۆ سەر ئەو وڵاتە نزیک بێت، ئیدارەی ترەمپ دەڵێت "سزاکانی نەتەوە یەکگرتووەکان کە وڵاتانی ئەوروپا ڕێککەوتن لەسەر سەپاندنی لەگەڵ نزیکبوونەوەی وادەی کۆتایی پێویستە بۆ فشار بخرێتە سەر ئێران بۆ دانوستان لەسەر بەرنامە ئەتۆمییەکەی".
سزا و فشارەکانی ئەمەریکا مەبەست لێی هاندانی ئێرانە بۆ ئەوەی چوار مەرجی توند وەک بنەمایەک بۆ دانوستانە نوێیەکان قبوڵ بکات، بە گوتەی بەرپرسێکی ئەمەریکی: دانوستانەکان دەبێت "مانادار" و ڕاستەوخۆ بن، تاران دەبێت ڕازی بێت بە سفر پیتاندنی مادەی ئەتۆمی و سنووردارکردنی بەرنامە مووشەکییەکەی، هەروەها دەبێت واز لە پارەدان بە هێزە بەکرێگیراوەکان بهێنێت.
دانوستانکارانی ئێران و ئەمەریکا لە هاوینی ئەمساڵدا بۆ ماوەی دوو مانگ بۆ پێنج خولی دانوستان کۆبوونەوە، بەڵام نەیانتوانی هیچ پێشکەوتنێک بەرەو ڕێککەوتنێک مسۆگەر بکەن، ئەو بەرپرسە ئەمریکییە ئاماژەی بەوەشکردووە، ئیدارەی ترەمپ پێی وایە نەبوونی پێشکەوتنەکان لەبەر ئەوە بووە کە ئێرانییەکان "جدی نەبوون" و تیمی دانوستانکاریان ئەرکی گەیشتن بە ڕێککەوتنێکیان پێنەدراوە.
عیراق دەستی کردەوە بە هەناردەکردنەوەی نەوتی هەرێمی کوردستان،
،،سەید مەحەمەد بەرزنجی،،
سۆمۆ یەکەم کەشتیی نەوت هەڵگری هەرێمی کوردستان لە بەندەری جەیهانەوە رەوانەی بازاڕەکانی جیهان کرد
ئەمڕۆ پێنجشەممە کۆمپانیای بەبازاڕکردنی نەوتی عیراق (سۆمۆ)، راگەیاند دەستی کردۆتەوە بە هەناردەکردنی نەوتی خاوی کێڵگەکانی هەرێمی کوردستانی و یەکەمین کەشتیی نەوت هەڵگری هەرێمی کوردستان لە بەندەری جەیهان خرایە بازاڕەکانی جیهانەوە وەهەروەها (سۆمۆ) ئەم هەنگاوەشی بە "چارەنووسساز" وەسفکرد بۆ بەهێزکردنی یەکڕیزی لە بەڕێوەبردنی سامانە نیشتمانییەکان.
بەپێی راگەیەندراوێکی (سۆمۆ)، یەکەمین هەنگاوی فرۆشتنی نەوتی هەرێم لە رێگەی کەشتیی نەوت هەڵگری "Vallesina"ـەوە ئەنجامدراوە. پرۆسەکە بەپێی ئەو میکانیزمانەی کە پەسەندکراون بەڕێوەچووە بۆ مسۆگەرکردنی بەرزترین ئاستی چاودێریی دارایی و کارگێڕی.
کۆمپانیاکە جەختی کردووەتەوە کە تیمە پسپۆڕەکانیان، بە هەماهەنگی لەگەڵ کارمەندانی کۆمپانیای نەوتی باکور، راستەوخۆ سەرپەرشتیی قۆناغەکانی بەڕێکرد لە بەندەری جەیهانی تورکیا کردووە، بۆ دڵنیابوون لە ئاسانکاریی رێکارەکان و جێبەجێکردنی ستانداردە تەکنیکییە جیهانییەکان. لە راگەیەندراوەکەدا، سۆمۆ ئاماژەی بەوەشکردووە کە ئەم هەنگاوە، سودی هەیە بۆ بەهێزکردنی پێگەی عیراق وەک سەرچاوەیەکی متمانەپێکراو لە بازاڕە جیهانییەکاندا.
ئەردۆگان:پشتگیری لە یەک پارچەی خاکی تورکیا دەکات
رۆژنامەنووس: سۆزی کەمال
ڕەجەب تەیب ئەردۆگان،ڕایگەیاند:”بە توندی” پشتیوانی یەکپارچەیی خاکی سوریا دەکەن،باسی لەوەشکرد هیچ هەوڵێک بۆ “دابەشکردنی” وڵاتەکە قبوڵ ناکەن.
ڕەجەب تەیب ئەردۆگان سەرۆک کۆماری تورکیا، وتیشی هەر لەسەرەتاوە بە توندی پاڵپشتی یەکپارچەیی خاکی سوریا بووین،هەروەها ئەگەر دەستپێشخەریە دیپلۆماسیەکان بێ وەڵام بمێننەوە،هەڵوێستی تورکیا ڕوونە.
لەکاتێکدا باسلەوەش دەکرێت کە گرژی نێوان هێزەکانی پارتی دیموکراتی کوردستان و دیمەشق کاریگەری لەسەر دانوستانەکانی ئاشتی نێوان دەوڵەتی تورکیا و پەکەکە هەبێت.
ئەمەش لە کاتێکدایە،ئەنقەرە لە گفتوگۆدایە لەگەڵ پەکەکە سەبارەت بە کۆتایهێنان کە نزیکەی نیو سەدەیە زیاتر لە ٤٠ هەزار کەس کوژراوە، پەکەکە بە بانگەوازی عەبدوڵڵا ئۆجالان ڕێبەری زیندانیکراوی وڵاتەکەی، ڕەزامەندی دەربڕیوە کە خۆی هەڵبوەشێنێتەوە و چەک دابنێت. لەبەرامبەردا پەرلەمانی تورکیا کۆمیسیۆنێکی پێکهێناوە بۆ چارەسەرکردنی کێشەکان لەڕێگەی دەسەڵاتی یاسادانانەوە و گەرەنتیکردنی سەرکەوتنەکانی.