❯
❮
نوری مالیکی
مالیکی خۆی گەیاندە هەولێر
سەید محەمەد بەرزنجی
نووری مالیکی، سەرۆکی هاوپەیمانیی دەوڵەتی یاسا گەیشتە هەولێر و لەگەڵ سەرۆک مەسعود بارزانی کۆدەبێتەوە
بە پێی وتەی ڕاوێژکارێکی مالیکی ئامانج لە سەردانەکە گفتوگۆکردنە لەسەر هەنگاوەکانی پێکهێنانی کابینەی نوێی حکومەتی عێراق بۆ ئەو مەبەستەش گفتوگۆ لەسەر سێ سەرۆکایەتییەکانی کۆمار، پەرلەمان و حکومەت دەکرێت
شەوی 17ی تشرینی دووەمی 2025 چوارچێوەی هەماهەنگی کۆبووەوە و گەورەترین فراکسیۆنی لە پەرلەمان راگەیاند. چوارچێوەی هەماهەنگی بڕیاری پێکهێنانی دوو لیژنەشی دا. یەکەم بۆ دەستنیشانکردنی کاندید بۆ پۆستی سەرۆکوەزیران. دووەم بۆ دانوستاندن لەگەڵ لایەنەکان بۆ پێکهێنانی حکومەت
ئەمە لە کاتێکدایە پارتی دیموکراتی کوردستان لەم هەڵبژاردنەیشدا وەک هێزی یەکەمی کوردستان مایەوە و زیاتر لە 1 ملیۆن دەنگ و27 کورسی پەرلەمانی عێراقی بەدەستهێنا.
زیاتر ببینە...
ID: 30 | Date: 2025-11-22 09:04:14
❯
❮
هەڵبژاردن
لە دهۆک پێشوازیەکی گەرم هەیە بۆ هەڵبژاردن و ڕیژەیەکی زۆر دەنگدەر کارتەکانیان وەرگرتوەتەوە
سەید محەمەد بەرزنجی
بەڕێوەبەری نووسینگەی دهۆکی کۆمیسیۆنی هەڵبژاردنەکان دەڵێت، 96٪ی ئەوانەی مافی دەنگدانیان هەیە کارتەکانیان وەرگرتووەتەوە ئامادەکاری تەواو کراوە و لە 7ی مانگدا ئامێرەکان دەبەنە نێو وێستگە و بنکەکانی دەنگدان
خالید عەباس، بەڕێوەبەری نووسینگەی دهۆکی کۆمیسیۆنی باڵای سەربەخۆی هەڵبژاردنەکانی عێراق، رایگەیاند: "سەرجەم ئامادەکارییەکانیان بۆ بۆ هەڵبژاردن تەواو کردووە، "پێداویستیی لۆجیستی و ئامێرەکانمان بەدەست گەیشتوون و خولی راهێنانمان بۆ سەرجەم کارمەندەکان کردووە کە ژمارەیان نزیکەی 10 هەزار کەسە." لە 7ی مانگدا ئامێرەکان دەبەینە نێو وێستگە و بنکەکان، ئامادەکاری باش کراوە و رێژەیەکی باشیش لە کارتی دەنگدان لەلایەن دەنگ دەرانەوە وەرگیراوەتەوە ."
سەبارەت بە دۆخی بانگەشە خالید عەباس ئاماژەی بەوە کرد: "بانگەشە لە کەشێکی دیموکراسی بێ سەرپێچی بەڕێوەدەچێت، ئێمە وەکو کۆمیسیۆن هیچ سەرپێچییەکمان تۆمار نەکردووە، تەنیا 12 بەربژێرمان ئاگادارکردووەتەوە کە پۆستەرەکانیان لە شوێنی هەڵە دانابوو
دەشڵێت، "دوو سکاڵا لەلامان تۆمارکراون و لێکۆڵینەوەیان لێدەکەین، هەردووکی لەلایەنی لایەنێکی سیاسییەوە تۆمارکراوە و لەسەر دڕاندنی پۆستەرەکانیان بوو، کە ڤیدیۆ و وێنەیان وەکو بەڵگە ناردووە و ئێمەش سکاڵاکانمان ناردووەتە بەغدا بۆ یەکلایی کردنەوەیان."
لە دهۆک 779 هەزار کەس مافی دەنگدانیان هەیە، بەڕێوەبەری نووسینگەی دهۆکی کۆمیسیۆنی هەڵبژاردنەکان ڕایگەیاند، "96٪ـی ئەو دەنگدەرانە کارتەکانیان وەرگرتووەتەوە، تەنیا نزیکەی 14 هەزار کارت ماون کە وەرنەگیراونەتەوە، رۆژانە پەیوەندییان پێوە دەکرێت و لەلایەن تیمی گەڕۆکەوە کارتەکانیان بۆ دەبرێتەوە."
لەبارەی دەنگدانی ئاوارەکان ئاماژەی بەوە کرد، گرنگییەکی زۆر بە پرسی ئاوارەکان دەدەن، "26 هەزار ئاوارەمان تۆمارکردووە، زۆربەی ئاوارەکان کارتەکانیان وەرگرتووەتەوە، تەنیا نزیکەی 200 کارت ماون وەرنەگیراونەتەوە، دەنگدانی ئەوانیش هاوشێوەی دەنگدانی تایبەت دەبێت لە 9ی مانگ."
رۆژی 9ـی 11ـی 2025 دەنگدانی تایبەت لە 809 بنکە و 4,501 وێستگە بەڕێوەدەچێت، رۆژی 11ـی 11ـی 2025 دەنگدانی گشتی لە 8,703 بنکە و 39,285 وێستگە بەڕێوەدەچێت.
زیاتر ببینە...
ID: 29 | Date: 2025-11-01 19:51:27
❯
❮
سارا ستار شێخانی
کەرکووک چەندین ساڵە پێویستی بە پشتێنەیەکی سەوزای هەیە بۆ خاوێن بوونەوەی ژینگە و هەوای کەرکووک
سارا ستار شێخانی چالاکەوانی کۆمەڵگای مەدەنی کاندیدی ژمارە7ی لیستی 275ی پارتی دیموکراتی کوردستان لە بازنەی کەرکووک ڕایگەیاند :پێویست بوو ئیدارەی کەرکووک پێش چەند ساڵێک دەستی بکردایە بە دروست کردنی پشتێنەی سەوزی لەشاری کەرکووک هاوشێوەی ئەوەی لە شاری هەولێری پاتەختی هەرێمی کوردستان ئەنجام دەدەرێت چونکە ژێنگەی کەرکووک یەکێکە لەژێنگە هەرپیسەکان و لە سەر ئاستی عێراق بەهۆی بوونی کۆمپانیای نەوت و غاز و کۆمپانیای چیمەنتۆ کەبۆتەهۆکاری سەرەکی پیس بوونی هەواو ژینگەکەمان و بڵاوبوونەوەی نەخۆشی شێرپەنجە زیادبوونی بەرێژەیەکی بەرچاو لەپارێزگاکە
زیاتر ببینە...
ID: 28 | Date: 2025-10-30 21:43:24
❯
❮
وەرزشی
کۆبوونەوەیەکی گرنگ بۆ دەستەبەرکردنی سەرکەوتنی لیستی ژمارە ٢٧٥ی پارتی دیموکراتی کوردستان لە پڕۆسەی هەڵبژاردن ئەنجامدرا.
بۆ دەستەبەرکردنی سەرکەوتنەکان، کۆبوونەوەیەکی فراوان لە مەکتەبی ڕێکخستنی پارێزگای کەرکوک – گەرمیان بەڕێوەچوو. لە کۆبوونەوەکەدا بەسەرپەرشتی بەڕێز هیوا ئەحمەد مستەفا بەرپرسی مەکتەبی ڕێکخستنی پارێزگای کەرکووک_گەرمیان و بەئامادەبوونی د.محەمەد خورشید، بەڕێوەبەری نووسینگەی کەرکووکی دیوانی سەرۆکی ئەنجوومەنی وەزیرانی هەرێمی کوردستان؛ و بەڕێز نەوزاد قادر بەرپرسی بۆردی وەرزشی بەرێوچوو
لە کۆبوونەوەکەدا چەندین سەرۆکی یەکێتی و یانە وەرزشیەکان و نوێنەرانی لێژنەی تیپە مللیەکان و وەرزشوانانی دێرین بەشدار بوون.
بەڕێز بەرپرسی مەکتەب لە وتەیەکدا ئاماژەی بەوەدا کە هەڵوێستەکانی سەرۆک بارزانی لە بەهێزکردنی سەقامگیری سیاسی و ئابووری لە کەرکووک، بەتایبەتی لە پێشخستن و بەدەستهێنانی مافەکانی گەلی کورد لەم شارە مێژووییەگرینگە، زیاتر گوتی، پارتی دیموکراتی کوردستان بایەخێکی زۆر بە کەرکووک دەدات و بە پەرۆشەوە کار بۆ پاراستنی مافی سەرجەم دانیشتوانەکەی دەکات، بە کورد و عەرەب و تورکمان وسەرجەم کەرکووکیەکان
بەشداربووان جەختیان لە گرنگی یەکڕیزی و کاری تیمی کردەوە بۆ بەدەستهێنانی سەرکەوتن لە هەڵبژاردنەکانی داهاتوودا. جەختیان لە سەر پێویستی هاوکاری لەگەڵ سەرجەم ئۆرگان و ڕێکخراوە وەرزشییەکان بۆ دەستەبەرکردنی باشترین ئەنجام بۆ لیستی ژمارە ٢٧٥ی پارتی دیموکراتی کوردستان کردەوە.
هەروەها تیشک خرایە سەر ڕۆڵی گرنگی وەرزش لە پێشخستنی هۆشیاری نیشتمانی و قووڵکردنەوەی پەیوەندی سیاسی.
لە کۆتایی کۆبوونەوەکەدا سەرجەم ئامادەبووان ئامادەیی تەواوی خۆیان بۆ پشتیوانیکردن لە پرۆسەی هەڵبژاردن دەربڕی و جەختیان لە گرنگی بەردەوامیدان بە ئامادەکارییە جدییەکان و کاری دەستەجەمعی بۆ دەستەبەرکردنی سەرکەوتنی هەڵبژاردنەکان لە پارێزگای کەرکووک .
زیاتر ببینە...
ID: 27 | Date: 2025-10-29 18:52:33
❯
❮
جینۆسایدی گەلی کورد
بەئامادەبوونی سەرۆک بارزانی پێنجەمین کۆنفرانسی نێودەوڵەتیی ناساندنی جینۆسایدی گەلی کورد بەڕێوەدەچێت
سەید محەمەد بەرزنجی
ئەمڕۆ سێشەممە، 28ـی 10ـی 2025، ، پێنجەمین کۆنفرانسی زانستیی نێودەوڵەتیی تایبەت بە جینۆسایدی گەلی کورد بە ئامادەبوونی سەرۆک بارزانی، لە شاری دهۆک دەستیپێکرد و دوو ڕۆژ بەردەوام دەبێت.
کۆنفرانسەکە لە ژێر ناونیشانی (دیکۆمێنتکردنی زانستی تاوانەکانی ئەنفال و گۆڕە بە کۆمەڵەکان، بەرەو دانپێدانانی نێودەوڵەتیی بە جینۆسایدی گەلی کورد) لە زانکۆی دهۆک بەڕێوەدەچێت، کە بە ڕێنمایی و سەرپەرشتیی سەرۆک بارزانی ڕێکخراوە.
کۆنفرانسەکە ئەم تەوەرانە لە خۆدەگرێت:
ئەنترۆپۆلۆژیای پزیشکیی دادوەری.
دانپێدانان بە دۆسیەی جینۆسایدی ئێزدییەکان.
لێکۆڵینەوە لەسەر گۆڕە بەکۆمەڵەکان.
ڕۆڵی DNA و ناسینەوەی بۆماوەیی قوربانیان.
ڕەهەندە یاساییەکانی تاوانی جینۆساید.
کاریگەرییەکانی چەکی کیمیایی لەسەر گەلی کورد.
میتۆدەکانی بەدۆکیۆمێنتکردنی جینۆساید.
لێکەوتە دەروونی و کۆمەڵایەتییەکانی جینۆساید و ترۆمای دوای ئەنفال.
زیاتر ببینە...
ID: 26 | Date: 2025-10-28 08:21:39
❯
❮
ڕوداوی هاتوچۆ سێ کەس بونە قوربانی
لە ئاکامی ڕوداوێکی هاتوچۆدا سێ کەس گیانیان لەدەستدا لە سلێمانی
سەید محەمەد بەرزنجی
ئەمڕۆ بەیانی سێشەممە ئۆتۆمبێلێک لە نزیک نەخۆشخانەی شار لە سلێمانی تووشی رووداوی هاتووچۆ بوو؛ شایەتحاڵێک لە شوێنی رووداوەکە باسی لەوە کردووە، لە ئەنجامی ڕوداوەکە سێ کەس گیانیان لەدەستداوە.
ئۆتۆمبێلەکە لە جۆری مارسیدسە و بە خێراییەکی زۆر خۆی بە سەگێکدا کێشاوە و دواتر خۆی بە شۆستەدا کێشاوە بەپێی چەند گرتە ڤیدیۆیەک بێت کە لە سۆشیال میدیا بڵاوبۆتەوە دەردەکەوێت کە ئۆتۆمبێلەکە پارچە پارچە بووە.
بەگوێرەی زانیارییەکان بێت شۆفێرەکە خەڵکی ناحیەی زەڕایەنی شارەزوورە. ئەو کەسانەی گیانیان لەدەستداوە تەمەنیان لەنێوان 25 بۆ 30 ساڵە و تەرمەکانیان براوەتە پزیشکی دادی سلێمانی.
زیاتر ببینە...
ID: 25 | Date: 2025-10-28 08:15:36
